Maria Gorosarri
Maria Gorosarri González (Durango, 1978). Zuzenbidean lizentziatua, Kazetaritzan lizentziatua eta Komunikazioan Doktore Europarra.
Unibertsitateko irakasle legez, kazetaritza deseraikitzen dut: egin, desegin, ikertu, irakatsi, desirakatsi, eztabaidatu eta berriztea da nire lana. Euskal Herriko eta Europako hedabideei jarraitzen diet. Albistegintzaz jarduten dut. Zeregin horretan, kazetaritza bera albiste da.
Ikertzaile legez, atzerrian trebatu naiz (Alemanian, batez ere) eta ikerketa-lerro berritzaileak lantzen ditut, gizarteak eta akademiak berretsita, herritar kritikoei argudioak emateko helburuarekin. Albisteen kalitatea, feminismoa eta fotokazetaritza dira nire ikerketaren iparrorratzak.
Komunikatzaile legez, hedabideetan kolaboratzen dut –kazetari bezala- eta kazetaritzari buruzko artikuluak idazten ditut –metakazetari bezala-. Horrela, sinisten duzunaren eta hedabideetan irakurtzen/ikusten/entzuten/jarraitzen duzunaren arteko koherentzia lortzeko tresnak eskura izango dituzu.
Ikerketa-lerroak
Kalitatezko kazetaritza
Albisteen kalitatea neurtzeko metodoa garatu nuen nire doktorego-tesian. Ordutik, kalitatezko kazetaritza ikertzen nabil, ikuspegi etikoa txertatuta.
Feminismoa
Feminismoak nire ikerketa gidatzen du. Hemen, feminismoa bera ikertzen nabil.
Fotokazetaritza
Kazetaritza egiteko modu grafiko bezala ulertzen dut fotokazetaritza. Ikerketa eta argazki-proiektuak ikus daitezke hemen.
Tartea egin didate
Ikerketaren berri eman duten hedabideak
Eduki gehiago, blogean
Laster martxan
Webgunea eguneratzen nago.